THIRRJE E HAPUR PËR PROJEKT ARTISTIK
7 Arte, në kuadër të edicionit të 16-të të Mitrovica Green Fest, shpall Thirrje Publike për Artistë për realizimin e projekteve artistike që eksplorojnë marrëdhënien ndërmjet njeriut, natyrës dhe biodiversitetit.
Në një kohë të krizës klimatike, humbjes së habitateve dhe transformimeve të shpejta mjedisore, Green Fest 16 fton artistët të ndalen, të vëzhgojnë dhe të reflektojnë:
Çfarë po humbasim?
Çfarë po mbijeton?
Çfarë forme të re bashkëjetese mund të krijojmë?
Si mund arti të na ndihmoj ta shohim biodiversitetin jo vetëm si koncept biologjik, por si rrjet marrëdhëniesh, kujtese dhe bashkëjetese?
Tema REFLEKTO! nuk nënkupton vetëm pasqyrim, por edhe reagim, imagjinim dhe veprim.
Kjo thirrje mirëpret ide që e trajtojnë biodiversitetin përmes perspektivave ekologjike, sociale, urbane, poetike apo eksperimentale.
Ftohen të aplikojnë:
– Artistë vizual
– Fotografë
– Arkitektë dhe dizajnerë
– Performues
– Muzikantë dhe kompozitorë
– Artistë digjital dhe media artist
– Krijues të instalacioneve
– Filmbërës
– Krijues ndërdisciplinar
– Kolektive artistike
– Hulumtues dhe praktikues kreativ
Formatet e mundshme:
Propozimet mund të përfshijnë:
– Instalacione artistike
– Skulptura dhe ndërhyrje publike
– Video-art
– Sound art / peizazhe zanore
– Performanca
– Art ekologjik (eco-art)
– Land Art
– Punë me komunitetin
– Eksperimente artistiko-shkencore
– Forma hibride dhe ndërdisiplinore
Inkurajohen posaçërisht projektet që:
– përdorin materiale të riciklueshme ose natyrore
– përfshijnë komunitetin
– ndërveprojnë me hapësirat publike
– trajtojnë biodiversitetin urban dhe lokal
– krijojnë reflektim dhe ndërveprim me publikun
Mbështetja financiare
Buxheti maksimal për këtë projekt është:
deri në 3,000 €
Buxheti mund të mbuloj:
– honorar artistik
– materiale
– prodhim
– transport
– pajisje
– implementim dhe instalim
Numri i projekteve të mbështetura do të varet nga cilësia e aplikimeve dhe shpërndarja buxhetore.
Kriteret e përzgjedhjes
Projektet do të vlerësohen bazuar në:
Ndërlidhja me temën REFLEKTO! dhe biodiversitetin – 30%
Cilësia artistike dhe origjinaliteti – 25%
Qasja ndërdisiplinore, inovative dhe kreative – 20%
Ndikimi publik dhe ndërveprimi me komunitetin – 15%
Realizueshmëria teknike dhe financiare – 10%
Dokumentet për aplikim
Aplikuesit duhet të dorëzojnë:
Përshkrimin e konceptit (maksimum 2 faqe)
Skica / referenca vizuale (nëse ka)
Portfolio ose CV të shkurtër
Buxhetin e projektit
Planin e realizimit
Afati i aplikimit
Afati i fundit: 21 / 06 / 2026
Aplikimet dërgohen në: info@7-arte.org
Subjekti: Aplikim – Green Fest 16 / REFLEKTO
