Green Fest XIV: Pikat kryesore të aktiviteteve edukative

Gjatë edicionit të 14-të të Green Fest në Mitrovicë, programi edukativ tërhoqi vëmendjen e pjesëmarrësve me diskutime të thelluara dhe aktivitete praktike të orientuara drejt rritjes së ndërgjegjësimit mjedisor. Festivali përfshiu katër Green Talks me tema të rëndësishme si “Gjendja e lumenjve në Mitrovicë,” “Hapësirat publike pranë lumenjve,” “Lumenjtë e vdekur të Kosovës,” dhe “Ndikimi i shkarkimeve industriale në lumenjë”. Këto diskutime ofruan një platformë për ekspertët, aktivistët dhe anëtarët e komunitetit për të angazhuar në diskutime kuptimplote mbi gjendjen e ujërave tona në vend.

Përveç diskutimeve, festivali organizoi dy punëtori artistike të dizajnuara posaçërisht për fëmijët, duke nxitur kreativitetin e tyre përherë duke i mësuar për kujdesin ndaj mjedisit. Promovimi i librit për fëmijë “Mbrojtësit e Planetit” ishte një pikë e veçantë, duke frymëzuar mendjet e reja për të marrë një rol aktiv në mbrojtjen e planetit tonë. Programi edukativ përfshiu gjithashtu një punëtori mbi peshkimin sportiv dhe botën nënujore, duke u ofruar fëmijëve një vështrim më të afërt mbi rëndësinë e jetës nënujore dhe praktikave të qëndrueshme të peshkimit.