Green Fest është ngjarje vjetore që synon të ngrisë vetëdijen për zhvillimin e qëndrueshëm dhe për objektivat e zhvillimit të qëndrueshëm (SDG) të Kombeve të Bashkuara përmes mediumeve të artit dhe kulturës.

Këtë vit, festivali do të përqendrohet në SDG-në e 14-të (Jeta nën ujë) që nënkupton të ruajmë dhe përdorim në mënyrë të qëndrueshme oqeanet, detet dhe burimet detare.

Tema e sivjetmë e festivalit është “Lum Na”. Green Fest synon të inkurajoj qytetarët që të bashkohen dhe të punojnë së bashku për të ndërtuar një mjedis paqësor, një qytet dhe një botë më të mirë dhe më të qëndrueshme për të gjithë ne.

Gjatë festivalit do të mbahen sërë ngjarjesh dhe aktivitetesh kulturore e artistike, përfshirë shfaqje muzikore, ekspozita të artit dhe punëtori edukative. Këto ngjarje synojnë  mënyrat se si kultura dhe artet mund të përdoren për të ngritur vetëdijen për nevojën urgjente për të vepruar rreth ndryshimeve klimatike dhe për t’i frymëzuar individët, komunitetet dhe shoqëritë për të ndërmarrë hapa drejt një të ardhmeje më të qëndrueshme.

I inkurajojmë të gjithë që të na bashkohen dhe të bëhen pjesë e festivalit ashtu që komuniteti ynë të jetë më i gjelbër dhe më i qëndrueshëm.